Поради големи покачувања на сирењата, кашкавалот и останатите млечни производи низ Македонија, граѓанкте на маката почнаа да си прават шеги на сопствените проблеми, бидејки како и во секоја лоша ситуација само тоа и ни останува.
„Ги гледам цениве на сирењава, за пица со 4 сирења ќе треба кредит да зеам“, се вели во постот на Инамногуфина.
Ситуацијата е слична на цел Балкан, па во Хрватска деновиве големо внимание во јавноста предизвика приказната за загрепската пицерија „Токаре“, која наплаќа услуга за сечење пица.
Многу клиенти биле непријатно изненадени од таа одлука, а сопственикот Денис Главач ги објасни причините за тоа.
„Со оглед на тоа што сме објавени како омразена пицерија која наплаќа по пет куни за сечење пица, дозволете ни да ги кажеме причините за тоа. За почеток, дали некогаш сте нарачале ќебапи, Загреб, Виена, и откако ќе се послужат на масата, сте ги вратиле во кујната за да го исечете месото? Ние сме неаполска пицерија која вложува многу труд и знаење во нашиот производ, кој е единствен во Хрватска по разновидноста на состојките и балансот на вкусови“ – вели Главач, цитиран од „N1“.
„Секоја наша пица е за една личност, доаѓа со прибор за јадење, што би значело дека, како и секое друго јадење во секој друг ресторан, се јаде со вилушка и нож, не со раце, не со прсти. Исто така, на некои од нашите пици има храна (на пр. школки) што не може да се исечат, но само при конзумирање. Проблемот произлегува од навиките на луѓето во Хрватска кои се научени и воспитани да бидат услужени според сите стандарди, критериуми и желби и секако сите овие дополнителни услуги треба да бидат бесплатни“ – објасни понатаму сопственикот.
На секој гостин кој побарал сечење пица претходно му било кажано дека оваа услуга се наплаќа и транспарентно е наведена на сметката, истиот гостин се согласил да плати за оваа услуга наместо самиот да ја исече пицата.
Затоа, најлесно и најбезболно би било да ја покачите цената на пицата за пет куни и да немате лоши критики поради тоа, но се надеваме дека луѓето ја разбираат поентата на овие пет куни, се вели во одговорот на пицеријата.
