На плажата кај хотелот „Палма“ влезот бил оневозможен за семејството Билафер од Бијеле.
Мартин Билафер со сопругата и двете мали деца (2-годишно момче и 4-месечно девојче) сакал да се капе на споменатата плажа, но работниците од обезбедувањето го спречиле да влезе на плажата.
-Ми рекоа да платам 20 евра или во спротивно не можам да влезам, рекол Билафер.
Тој му се обратил на на претседателот на Бокешкиот форум, Андрија Петковиќ и на лице место го запознал со случајот.
-Незамисливо е во нашиот Тиват, нашата Бока, секогаш позната по гостопримството да дозволиме вакво нешто да се прави. Станува збор за мали деца, семејство. Не дај Боже нешто да им се случи на топлово. Во секој случај некој поради ова мора да сноси одговорнопст. Бараме од надлежните институции да ја испитаат одговорноста, во склад со законските одредби. Во спротивно во краен случај ќе ја земеме правдата во свои раце, а помош ќе бараме и кај вишите меѓународни служби, што секако нема да го поправи и онака лошиот имиџ на Црна Гора, рекол Петковиќ.
И Људмила Плашчинскаја ќе го памети престојот во Црна Гора по фрапантната сума пари што морала да ја издвои за преглед и преврска на нејзиниот повреден прст – неверојатни 495 евра!
Фејсбук-страницата „Подгорички времеплов“ ја објави фискалната сметка од приватната здравствена установа „Марин Мед Монтенегро“ во Котор, од која се гледа дека обработката на раната чинела 160 евра, специјалистичкиот преглед 60, а локалната анестезија 80. Кога на тоа ќе се додадат рендгенската снимка на коската, административните такси и данокот, се доаѓа до вкупната сума од 495 евра.
И тоа не е сè – туристката наводно потрошила уште 80 евра за такси!
Сакате во Црна Гора на одмор – еве какви цени да очекувате
За сите оние кои оваа година летниот одмор планираа да го поминат на некоја од црногорските плажи, еве што треба да знаете:
На прв поглед се изгледа одлично: елитно одморалиште, море, плажа, базени, детски игралишта… Но, услугата под очекувањата. Гостопримството- задоволувачко.
Но, ова не важи за сите хотели, бидејќи Бечичи спаѓаат во едни од најлускузните летувалишта во Црна Гора, со врвни хотели наменети за богатите Руси, Французи, Германци…
Споредувајќи ја со Хрватска, цените се поприфатливи, бидејќи сепак се работи за хотелско сместување. Кафето е 2 евра, пиците од 7 до 8 евра, морските специјалитети од 20 до 60 евра.
Цените во Будва се малку повисоки. Ќебапите и плескавиците чинат од 6 до 8 евра, салатите 10 евра, рамстек 12 евра. Салата од октопод 10 евра. Риба со екстра квалитет 452 евра.
Кога се во прашање цените се зависи од плажите, лежалките чинат 5 до 8 евра, чадорите 4 евра, додека во поедини хотели можно е да се земе пакет од 8 евра во кој добивате 2 лежалки и чадор.
