Денес одминуваат точно две години откако го потпишавме Договорот од Преспа. Денес слободно можеме да кажеме – ВРЕДЕШЕ!, напиша на својот фејсбук профил лидерот на СДСМ, Зоран Заев.
Вредеше, посочува Заев, затоа што станавме полноправна членка на најсилниот воено-политички сојуз во светот – НАТО. Седиме на иста маса, рамо до рамо со најуспешните, најразвиените и најсилните.
Македонската иднина е обезбедена, а границите засекогаш сигурни.
– Вредеше затоа што Преспанскиот договор нѐ донесе чекор поблизу до Европската Унија и конечно ги отворивме вратите на нашата ЕУ интеграција. По 15 години чекање почнуваме преговори за членство. НАТО и ЕУ се наша силна поддршка за развој, но и за соочување со предизвиците и опасностите како што е коронавирусот. Изминатиот период добивме голема помош и поддршка од нив, истакнува Заев.
Вредеше, како што вели, затоа што денес имаме соседи кои силно нѐ поддржуваат. Во нашиот пат за членство кон НАТО и ЕУ, Грција сега не само што не нѐ блокира, туку и го помага нашето забрзано интегрирање.
-Вредеше затоа што обезбедивме сигурна иднина за нашите деца, развојна економија и нови партнерства и пријателства. Дадовме значаен придонес за стабилноста во регионот и станавме светол пример за сите. Продолжуваме напред!, напиша на Фејсбук претседателот на СДСМ, Зоран Заев.
Две години откако го потпишавме Преспанскиот договор. Денес слободно можеме да кажеме дека вредеше!
Две години откако го потпишавме Преспанскиот договор. Денес, слободно можеме да кажеме дека вредеше!Вредешe затоа што:✅ Станавме членка на НАТО и почнуваме преговори со ЕУ;✅ Обезбедивме сигурна и перспективна иднина за сите следни генерации;✅ Ги потврдивме македонскиот идентитет и јазик.Продолжуваме понатаму. #Можеме уште повеќе и уште подобро!
Gepostet von Zoran Zaev am Mittwoch, 17. Juni 2020
