Активностите за санација и ревитализација на единечното дрво се дел од овогодинешната Програма за заштита на животната средина и природата и се финансирани од буџетот на Општина Охрид.
Сите активности се очекува да завршат за околу десетина дена и истите ќе се одвиваат под надзор на стручни лица од Шумарскиот факултет од Скопје.
Единечното дрво – Чинар (Platanus orientalis) кое е од големо природно, културно и историско значење за Охрид извесен период се наоѓаше во многу лоша состојба и беше неопходно е да се преземат соодветни мерки за санација и ревитализација, со цел да се обнови и да му се продолжи животниот век.
Минатата година од страна на Министертвото за животна средина и просторно планирање беше донесено Решение за прогласување на „Чинар-Охрид“ за природна реткост.
