Владата го задолжи Фондот на пензиското и инвалидското осигурување да ги достави податоците за пензиите до деловните банки најдоцна до 25.11.2020 година, а на деловните банки им се препорачува да обезбедат пензионерите да може да располагаат со ноемвриските пензии преку мрежата на банкомати и во трговската мрежа од 26.11.2020 година.
За клиентите кои не користат картички, деловните банки преку филијалите и експозитурите на банките ќе обезбедат готовинска исплата на пензии во четири групи според следниот распоред составен според висината на пензијата:
За пензии со висина до 11.000 денари, исплата да се изврши на 26.11.2020 година;
За пензии со висина 11.001-14.000 денари, исплата да се изврши на 27.11.2020 година;
За пензии со висина 14.001-18.000 денари, исплата да се изврши на 30.11.2020 година, и
За пензии со висина над 18.001 денари, исплата да се изврши на 01.12.2020 година.
