Силната комбинација на звуците на традиционалната музика која потекнува од Балканот комбинирана со модерните звуци кои ги носат светските трендови се најголемиот адут со кој располага Балкан бенд. Нивниот талент им беше само насока во изборот на своја професија. Но, не се потпреа само на тоа што им е дадено како дарба. Членовите на овој бенд се високо музички образовани.
Усовршувајќи се себеси на Факултетот за Музичка уметност, паралелно се стекнуваа и со богато искуство преку бројните настапи. Своите кариери, овие момци ги започнаа во различни бендови или градејќи соло кариера. Секој со своето искуство заедно влегуваат во бендот кој денес е препознатлив на македонската сцена.
Пет момци го сочинуваат Балкан бенд. Најпрепознатливо лице меѓу нив е вокалот Александар Тасевски кој ја правеше Македонија горда со своите настапи на музичките талент шоуа во регионот. За неговиот талент не штедеа комплименти ниту најзвучните имиња од балканската музичка сцена. Златко Анчевски е тапанарот на Балкан Бенд. На гитара во овој состав настапува Илија Наумовски. Нико Сребров свири клавијатури, а на бас гитара Бојан Дичовски. За тоа како се примени кај публиката најдобро зборуваат бројните настапи и свирки во клубовите ширум Македонија.
Заслужни се за големиот број на прекрасни свадби на кои сите гости се понесени од нивните изведби. Настапуваат и на приватни забави изведувајќи музика за сечиј вкус.
Минатата година дефинитивно беше нивна. Тогаш заслужено си го добија своето место и креираа свој печат на музичката сцена. Работат напорно, вложуваат во себе, ги следат трендовите, но најпосветено ја негуваат традиционалната македонска песна. Патот по кој сигурно чекорат, вложувајќи го својот максимум за да ја задоволат својата публика, води кон поголеми успеси. Досега постигнатиот успех за овие момци претставува само мотив повеќе да работат.
Запознајте се одблиску со членовите на Балкан Бенд, момците заслужни за највеселите настани во нашата држава
Александар Тасевски
Пејачот на Балкан Бенд е препознатливо лице на македонската естрада, фронтмен и лидер на бендот,еден од најдобрите пеачи што ги дала нашата земја,еден од ретките кои што пее различни видови на Музика,од Поп до Фолк и све останато. Јавноста го запозна како вокал на Браво бенд. Дипломиран Фаготист на Музичката Академија – Скопје!
Бојан Дичоски
Бојан или Боки како што нагалено го знаат сите,освен што е мајстор на Бас Гитарата,тој плени со својот шарм убавина и младоста што ги носи во себе! Како најмлад член во Бендот е три години но и иден лидер поради Младоста Искуството и Карактерот. Има завршено Музичко образование и Факултет за туризам и бизнис и логистика – Скопје.
Златко Анчевски
Тапанарот на Балкан бенд воедно и менаџер на бендот е со огромно искуство на музичката естрада! Започнува на свои 15 години со својата прва група Цакум Пакум,по што станува неофицијален член на славната група Биоритам ,каде се стекнува со огромно искуство и голем професионализам! Своето образование го стекнува во Музичкото Училиште Илија Николовски Луј – Скопје !
Нико Сребров
Клавијатуристот на Балкан Бенд добро познат по своето име и презиме а уште подобро по својот надимак ( KING ) или Царот,е еден од нај етаблираните и најдобри клавијатуристи на нашата естрада!Има богато музичко портфолио и Високо Музичко Образование. Беше член на Тата-мата, бендот на Гоце од Синтезис. Ги следи во настапите врвните музички артисти од Македонија.
Илија Наумовски
Гитаристот на Балкан Бенд, на македонската музичка сцена е повеќе од 10 години,нашето најубаво дете или по надимак Мајка. Настапувал со многу музички артисти пред да стане дел од оваа група. Освен што е искусен, тој е дел од воениот оркестар на Р.Македонија како Дипломиран Трубач!
