Во српските естрадни кругови со години се зборува дека Дивна и Чола биле во страсна врска, но има и такви што тврдат дека меѓу нив секогаш имало заемна симпатија, но романсата не се остварила.
Имено, Дивна пред неколку децении му го скршила срцето на најголемиот заводник на Балканот, Здравко Чолиќ. Всушност, за нивната неуспешна љубов највиновна била мајката на Дивна затоа што не ѝ дозволила да се гледа со Чола.
Наводно, Чолиќ многу страдал по Дивна, а мајка ѝ Дара да не се спротивставела на нивната љубов, кој би знаел што би се случило со двајцата.
Во српските естрадни кругови со години се зборува дека Дивна и Чола биле во страсна врска, но има и онакви кои тврдат дека меѓу нив секогаш имало заемна симпатија, но романсата не се остварила. Во тоа време Дивна важела за една од најубавите белграѓанки и околу неа се вретеле многу момчиња. Но, наместо за мегапопуларниот пејач, Дивна на 19 години се омажила со полицискиот инспектор Драган Карлеуша, и ја родила Јелена.
Таа во едно од нејзините последни интервјуа ја раскажа својата животна приказна, од љубовните врски со постари мажи од кои ја доби ќерката Јелена, до работата на радио.
Уште во средношколските денови победував на натпревари во рецитирање, но и во пишување песни. Сакав да се запишам на Ликовна академија бидејќи одлично цртав, но не ме примија. И денес сликањето ме опушта, па знам да си сварам кафе, да пуштам музика и по цела ноќ да бојам на платното. Инаку, се запишав на Правен факултет, но не го завршив. Се заљубив, се омажив и станав мајка, раскажала Карлеуша.
Првата голема љубов ја запознала на 17 години. Драган ѝ бил сосед и 11 години постар од неа. Се забавувале три години, а потоа одлучиле да се венчаат кога Дивна останала бремена.
Јелена е плод на љубовта бидејќи тинејџерските љубови се најсилни. Подоцна во животот имаше и побурни и можеби поубави, но така искрени врски никогаш. Можеби тоа искуство и Јелена можам да кажам дека беа главната причина што не се премажив, открила таа во една прилика.
Како новинарка и водителка, Дивна Карлеуша првите чекори во професијата ги направила во информативната редакција на Радио 202. Подоцна повеќе била фокусирана на естрадните случувања.
Имав работа која ми причинуваше задоволство, но и голем замор. Кога работев, Јелена ја чуваа мајка ми и тетка ми. Не беше темпото на работа причина за мојот развод. И мојот поранешен сопруг имаше специфично занимање. Звучи како фраза, но некомпатибилноста на нашите карактери доведе до разидување по седум години заеднички живот. Сфативме дека подобра варијанта е добар развод отколку лош брак. Денес тој има прекрасен брак, преубава жена и два сина кои се преслатки, објаснила Карлеуша во едно интервју.
На постари години, Дивна стекна и ТВ-популарност учествувајќи во повеќе реални шоуа, меѓу кои се „Големиот брат“ и „Парови“.
