Мерцедес и официјално откри дека Валтери Ботас ќе остане тимски колега на Луис Хамилтон и во сезоната 2020/2021 во Формула 1. Според Тото Волф, главна конкуренција на Ботас за неговото место беше резервниот пилот на Мерцедес, Естебан Окон, за кој се шпекулира дека ќе се пресели во Рено.
Во своите две и пол години во Мерцедес, 30-годишниот Ботас заработи пет победи. Сезоната во 2018 година беше најтешка за тимот откако Финецот не успеа да забележат ниту една победа, за разлика од Хамилтон, кој триумфираше 11 пати и ја освои светската титула.
Од почетокот на 2019 година, Ботас покажа дека ја оставил зад себе неуспешната сезона и стартуваше во Австралија со победа проследена со две втори места и уште еден успех. Сепак, по Азербејџан, Ботас не победил во трка. Со четири пол-позиции, тој и Хамилтон се на чело по најмногу стартови на првото место во 2019 година. До крајот на првата половина од сезоната, Ботас го задржа второто место во генералниот пласман.
Сезоната 2020 ќе биде четврта за Ботас во „сребрените стрели“.
