|
Фудбалерот на Барселона, Лионел Меси изјави дека не сака да биде заменуван во текот на натпреварите и дека попрво би избрал да стартува од клупата за резервни фудбалери.
„Не сакам кога ќе заменат во текот на натпреварот. Попрво би го започнал натпреварот од клупата и би играл помалку. Многу натпревари се одлучуваат во завршницата, поголеми се шансите и да се создадат шанси затоа што играчите се заморни“, изјави Меси.
Аргентинецот има постигнато 674 погодоци на 829 натпревари во дресот на Барселона и репрезентацијата на Аргентина.
„Не би рекол дека сум типичен голгетер. Сакам да имам повеќе контакт со топката, да бидам креативен. Научив да се прилагодам на играта, да го изберам вистинскиот момент“, изјави Меси.
