Скоро секој човек понекогаш го мачи несоница, која негативно влијае на нашето здравје и расположение. Несоницата негативно се одразува и на концентрацијата и го отежнува извршувањето на задачите во текот на денот.
Лекот можеме да го најдеме во овие 4 билки.
Лаванда
Лавандата уште многу одамна е користена за лечење несоница, болести на нервите и лошо варење. Ставена во топла купка, таа обезбедува мирен сон. Од лавандата можете да подготвите и чај. Освен што ги опушта мускулите, таа ја намалува нервозата и вознемиреноста, таа помага и за мирен сон.
Мајчина душичка
Етеричното масло од мајчина душичка ги опушта мускулите, а цветовите и листот помагаат за добар сон. Бидејќи содржи лесно испарливи состојки, чајот од мајчина душичка треба да се подготви во поклопен сад бидејќи во спротивно, нема да има лековити својства.
Маточина
Маточината е уште една билка која може да помогне во смирување и се препорачува за оние кои патат од несоница. За лековитите својства на оваа билка, најзаслужни се есенцијалните масла цитронеал и цитрал, пелините и танините кои ги опуштаат мускулите, ги јакнат срцевите мускули и имаат антибиотско дејство.
Хмељ
Хмељот е одличен природен седатив, па поради тоа се користи за смирување на нервите и како природен лек за несоница. Оваа билка ја ублажува нервозата, немирот и стресот, ги смирува нервите.
