Луксузната јахта, инаку во сопственост на латино поп ѕвездата Марк Ентони, се запалила додека била врзана во пристаништето во Watson Island – Мајами во американсата сојузна држава Флорида.
Пожарот на пловилото вредно 7 милиони долари го гаснеле 45 пожарникари, но штетата како што тврдат очевидците е непоправлива.
За среќа, во огнената стихија никој не страдал, а странските медиуми пишуваат дека сопственикот, 51-годишниот пејач Марк Ентони, во моментот на избувнување на пожарот бил бо Порторико каде што ги одржува своите концерти во состав на светската турнеја “Opus“.
Јахтата Andiamo, долга е 37 метри, а во нејзините 5 кабини може да прими 12 луѓе, а како што пренесуваат странските медиуми таа е целосно уништена.
Добитникот на престижната музичка награда Grammy и поранешен сопруг на Miss Universe Дајанар Торес и латино дивата Џенифер Лопез, на споменатата јахта често организирал раскошни забави за познатите пријатели, а пожарот сè уште не го коментирал.
