МИЛАН ја совлада Болоња со 2:0 во првото коло од новата сезона во Серија А.
Херој на натпреварот беше Златан Ибрахимовиќ, кој за 12 дена полни 39 години, но сепак постигнува погодоци како на лента. Тој ги постигна двата гола за Милан, а по натпреварот рече дека може да биде многу подобар. Тој ја спореди својата кариера со чудатната приказна за Бенџамин Батон, лик од расказот на Скот Фицџералд, кој е роден како 86-годишник и потоа станува се помлад. Во 2008 година, режисерот Дејвид Финчер го претвори животот на Батон во култна драма која беше номинирана за 13 Оскари.
“Јас сум во добра форма, работам напорно. Ова е втор натпреварувачки натпревар оваа сезона. Победивме, но можам и подобро. Пред 20 години ќе постигнев уште два гола”, рече Ибрахимовиќ и продолжи: „Не сум стар, јас сум како Бенџамин Батон. “Роден сум стар и станувам млад! Сакам да преземам одговорност за тоа дека сум подобар од минатата година. Не сакам луѓето да зборуваат за мојата возраст, сакам да ме гледаат како некој што има 20 години. Така сакам да играм”, рече Ибрахимовиќ.
