Паштетата е во повеќето случаи изборот кога станува збор за брз оброк. Многумина се одлучуваат за индустриски варијанти на овој намаз што е погодно за појадок, ужина или вечера.
Рецептот за овој намаз може да биде ваш избор во деновите на пост, но исто така и ако се придржувате до веганската исхрана, бидејќи не содржи месо или риба.
Состојки: 450 гр компири, 200 гр моркови, 1 главица кромид, 3 чешлиња лук, 200 гр кикирики, 1 лажица сенф, 1/2 лажичка сол, 1/2 лажичка бибер и зачин по вкус.
Подготовка: Сварете ги компирите и морковите, а потоа одвојте ја водата во која се готви зеленчукот. Со вилушка или миксер направете пире од варен зеленчук, а потоа додадете ситно исечен кромид и лук и зачини.
Исецкајте ги кикириките во блендер, а потоа додадете го во пирето и измешајте сè добро. Густината на овој намаз ја регулирате со додавање вода во која се готвеа компири и моркови, па ако сакате малку поретка паштета, додадете малку течност од зеленчук.
Со свежа салата и тост леб, оваа паштета ќе биде целосен оброк.
