Откако неговата поранешна девојка, Кејт Мос, која застана на страната на актерот, сведочеше на судењето на Џони Деп и неговата поранешна сопруга, на социјалните мрежи почнаа да кружат коментари за нивното помирување.
Холивудскиот актер ја поканил својата поранешна девојка Кејт Мос како гостинка на концерт во Лондон, пишува Dailymail. Деп и Мос се забавуваа зад сцената по неговиот настап во Ројал Алберт Хол, неколку дена откако манекенката сведочеше во негова корист на суд против неговата поранешна сопруга Амбер Херд.
Поради сите овие случувања, фановите на актерот и манекенката предвидуваат дека ќе се помират. Џони и Кејт беа во врска од 1994 година, откако тој ја прекина врската со Винона Рајдер.
„Од првиот момент кога разговаравме, знаев дека ќе бидеме заедно“, призна тогаш Кејт Мос.
Врската меѓу Џони Деп и Кејт Мос се сметаше за љубовна врска, но набрзо стана јасно дека е нефункционална. Наводно постојано се карале и речиси редовно ги демолирале становите во кои престојувале.
Најголемата вест за славните во 2021 година беше несомнено враќањето на „Бенифер“, односно помирувањето на Џенифер Лопез и Бен Афлек, најпопуларниот пар од почетокот на 2000-тите. Сега, 17 години по раскинувањето, тие се повторно заедно. Џенифер и Бен не само што се помирија, туку и повторно се верија, а многумина им предвидуваат слична судбина на Деп и Мос.
