Ханад Џехверовиќ ѝ се претстави на публиката во најпопуларното музичко натпреварување „Ѕвездите на Гранд“, а со својот специфичен глас и автентичен стил набрзо стана миленик и се пласираше во финалето на оваа натпреварувачка програма.
По успехот на натпреварот, пејачот зборуваше за растењето, тешките моменти во животот, врската со мајка си, изборот на музички правец и за своите колеги.
За време на учеството во „Ѕвездите на Гранд“, Џехверовиќ оживеа бројни стари рок хитови, па во таа насока го изгради и својот музички стил.
Со музика почнал да се занимава на само 16 години, основал бенд и, како што вели, одел од кафеана во кафеана за да се договори со сопствениците за настапи.
„Денес често слушам од оние кои почнуваат да пуштаат музика дека нема да пеат под одредена цена, тоа не ми беше важно на почетокот. Не се срамев да одам од кафеана до кафеана само за да не вработат. Се сеќавам дека се договоривме со локалниот газда и му кажавме дека свириме само рокенрол и тоа трае една година.Тогаш ни пријде и ни рече да фрлиме некоја народна музика, решивме да уфрлиме нешто блиско, нешто од Пејовиќ и Лукас. И тогаш го добив првиот бакшиш и ми беше јасно дека морам да го сменам репертоарот ако сакам да заработам од музиката“, изјави Ханад.
Сакајќи да се осамостои решил да работи како келнер за да има свои приходи, но не се откажал од музиката, па истовремено работел, пеел и студирал.
“Имаше денови кога немав пари да купам леб, буквално. Да бидам појасен, можев да ја прашам мајка ми, но сакав да бидам целосно независен. Знаете, јас сум традиционален, верувам дека мажот треба да придонесе Беа тешки моменти, но не сакав да се предадам“, изјави Џехвровиќ.
Дуелот меѓу Ханад и Исак Шабановиќ во последната сезона на „Ѕвезите на Гранд“ привлече огромно внимание во јавноста.
„Тој дуел има 11 милиони прегледи, се се врти околу бројот 11. Махир Мулалиќ ме извести дека има уште еден рокер на натпреварот, поради што бев воодушевен. Не верував дека ќе бидам во дуел со него, си помислив тоа нема шанси. И кога се случи, го убедив Исак, кој имаше страв од сцената да биде самоуверен и да и даде на публиката добар рокенрол. Тој е одличен, му реков дека ќе биде ѕвезда.Се радувам на неговиот успех како мој“, вели пејачот.
Иако на натпреварот се претстави како рокер, на своите свирки пее и народна музика. Во „Ѕвездите на Гранд“ се претстави со она во што е најдобар, а тоа е рок музиката.
Како што рече, ретко оди во кафана, иако многу време работел таму, но кога ќе се најде таму најчесто нарачува песни од Тома Здравковиќ и Халид Бешлиќ.
