Новите сметки за парно и електрична енергија ги “изгореа” граѓаните овој месец иако зимската сезона не е ниту започната. Многумина се шо кираа кога им беше испорачана новата фактура од ЕВН, па се прашуваат како “потрошиле” толку струја иако повеќетоа беа на летни одмори и воопшто не престојувале во своите домови.
Сметките двојно па и повеќе пати де повиски, а многумина од граѓаните ниту дома не биле по еден месец, па и повеќе за време на летото, зашто многумина престојуваат во своите викендички некаде на село, езеро или во природа, во шаторите или приколките по камповите каде седат по цело лето или едноставно биле некаде подолго на годишен одмор… Што значи дома освен фрижидерот, а некаде ниту тој, ништо друго не работело… Ниту еден електричен уред не бил приклучан на напојување, светилките угаснати… Тогаш се поставува прашањето од каде, по која логика сметките да им бидат двојно, па и тројно повисоки?
Такви примери има многу, како што има и многумина од оние на кои „услугата“ за пренос и дистрибуција на електричната енергија им е наплатена поскапо отколку самата потрошена струја!? Парадокс или смислена манипулација, ќе треба да докаже фирмата што ја има лиценцата.
До која фаза на непрепознавање оди „суштината на измамата“ покажуваат примерите на граѓаните, меѓу кои и многу од познатите. Вчера Емилија Розман, денес Миа Костова, уште една од оние познатите јавни личности, која нема проблем барем вербално јавно да ги искара испорачателите на фактурите за струја.
Имено, екс-водителка и инфлуенсерка добила сметка за потрошена електрична енергија која навидум е ништо во однос на некои други, ама парадоксот е во тоа што ништо и не потрошила, ниту еден, единствен ват (W), зашто цел месец станот бил заклучен, сите уреди исклучени и извадени од штекер, сијалиците изгаснати, целосен мрак…
Ист онаков мрак каков што „и паднал на очи“ кога од ЕВН ја добила фактурата за наплата од 1.500 денари буквално за темни одаи!!!
Коментарите налик на лавина од незадоволства од тоа што некој краде, а некој „дупло“ плаќа, предизвикаа вистинско цунами на социјалните мрежи.
Каква беше ситуацијата кај вас?
Избор: Вистина.мк
