|
Словенецот од меч во меч блеска и руши рекорди, па така беше и изминатата ноќ. Лука Дончиќ повторно блескаше во новата победа на Далас, овојпат над Голден Стејт со 142-94.
Младиот кошаркар повторно урна рекорд во НБА лигата. Дончиќ за само 25 минути и 30 секунди на теренот оствари нов н трипл-дабл со учинок од 35 поени, 11 асистенции и 10 скока.
Па така стана првиот играч во историјата на НБА лигата кој успеал за толку кратко време да направи трипл-дабл, а да има постигнато над 30 поени.
„Тој е посебен играч со посебна улога. Што можам повеќе да ви кажам? Ова повеќе не е никаква вест, се е тоа нормално“ – изјави по натпреварот тренерот на Далас, Рик Карлајл.
