Шпанија е актуелен европски шампион и сигурно дека важи за фаворит во овој натпревар.
Во својата ракометна историја Македонија против Шпанија има одиграно шест натпревати и досега немаме забележано ниту една победа.
Со Шпанците пет пати сме среќавале на европските првенства, додека само еднаш на Светско првенство.
Македонската репрезентација вчера имаше слободен ден, па ги направи потребните калкулации, го одржа редовниот тренинг и малку се одмори, по што денеска со почеток од 20:30 часот ќе го одигра својот најтежок натпревар во оваа група, а утре пак ќе се соочи со селекцијата на Исланд.
Тоа е натпревар на кој мора да се одбрани реномето на македонскиот ракомет со мисла кон најважниот дуел на шампионатот со Исланд кој мора да се победи.
– Сега треба да се фокусираме на дуелот против Шпанија. Ние треба да играме максимално особено што Шпанија има добри и квалитетни играчи на сите позиции. Ќе биде добро ако успееме да ја играме нашата игра. Шпанија е голема репрезентација, можеби сега не игра на високо ниво, но кога и да посака може тоа да го оствари, изјави македонскиот селектор Раул Гонзалез.
