Медот е здрава замена за шеќер, но исто така и здрава замена за „здравите“ засладувачи со „нула калории“. Но, иако е природен засладувач, без никаков сомнеж многу здрава намирница, сепак не претерувајте, бидејќи и медот се смета за „дополнителен шеќер“, советуваат нутриционистите.
Затоа препораката е медот да се зема наутро на празен стомак со чаша млака вода. Лажичката мед треба полека да ја топите во устата, а неговото лековито дејство не се губи доколку се стави во шолја од омилениот чај.
Општата препорака е да се консумираат две до три лажички мед дневно и тоа е количината која може да влијае врз подобрување на здравјето.
Медот делува како антиоксиданс, против воспаленија, антибактериски и лекува, а неговата примена е широка. Медот се создава во природата, таа високо вредна и лесно варлива храна, која, по земањето, дирекно влегува во крвотокот.
Според содржајот на протеини, високо котира меѓу прехрабените производи, бидејќи содржи есенцијални аминокиселини.
Има 37 минерални материи, витамини B1, B2, B3, B6, B12, C, PP, A, A, K, E, фолна киселина, органска киселина, ароматични материи, поленови зрна, алкалоиди, колоиди, билни антибиотици, фитохормони и уште многу други супстанци кои тек треба да се проучат.
Две третини од медот се шеќери, првенствено глукоза и фруктоза. Ним не им е потребно варење и дирекно ја пополнуваат резервата на шеќер во црниот дроб и во мускулите.
