Петгодишно девојче од Русија е спасено откако поминало четири дена изгубено во шумата. Зарина Авгонова се изгубила во руската тајга кога тргнала да ја придружува бабата, која отишла да собира печурки.
Спасувачите се плашеле дека Зарина се удавила затоа што шумите во областа Нижни Новгород имаат длабоки ровови и брзи реки. Иако кучињата не можеле да го намирисаат девојчето, спасувачите имале среќа да ги видат нејзините траги на земјата.
На едно место нејзините траги се прекрстувале со стапала на животни, па спасувачите се загрижиле. Тие ги повикале вооружените ловци да ги држат мечките и волците во шумата подалеку.
Била организирана масовна потрага по девојчето, а биле поведени и жени затоа што Зарина, како што рекле нејзините членови на семејството, се срами и се плаши од мажите.
На четвртата ноќ од потрагата, спасувачите успеале да ги следат нејзините стапки и наскоро во еден куп гранки го виделе исплашеното девојче. Зарина била исцрпена и дехидрирана, па веднаш јадела храна што спасувачката екипа ја донела со себе.
-Нејзиниот глас беше толку слаб што мислевме дека е птица, рекол волонтерот Алексеј Макаров за „Комсомолскаја Правда“.
-Ние наредивме сите да молчат и ја замоливме Светлана, девојката што беше со нас, да ја повика Зарина. Светлана ја повика, а Зарина одговори „еве јас сум“.Ние се движевме кон гласот. И тресејќи се како столб, таа беше изгребана и со модринки. Нејзината кошула беше мокра. Ја прашав „дали се плашиш“ а таа рече “не“. Потоа ја прашав „што ти треба“, а таа ми рече „торта и малку вода“, рекло девојчето.
❗️ВНИМАНИЕ❗️
Пропала Зарина Авгонова. 5 лет.
18 августа 2019 (вчера) ушла из дома в д. Стенановка Вознесенского р-на Нижегородской области в неизвестном направлении.
Ретвит, а лучше выезд на поиск.
Координаты точки сбора: 55.048322, 42.854190
Инфорг Надежда 89506162467 pic.twitter.com/plmrRkbYCA— Левъ Щаранский II (@LevSharansky2) August 19, 2019
