Познато е дека на крајот на сезоната од Вардар сигурно заминуваат Дмитри Кисељов, Рожерио Мораес и Игор Карачиќ. Сите други најавени трансфери не се официјално потврдени ниту од клубовите, ниту од играчите, пишува 24ракомет.мк
Бразилскиот репрезентативец Мораес оди во големиот ривал на Вардар – Веспрем, а во унгарскиот тим ќе се пресели уште еден долгогодишен член на македонскиот шампион.
Станува збор за кондицискиот тренер Марија Лојаница, која заедно со Даниел Јурашиќ се грижи за физичката подготовка на вардарци, а порано работеше и со женскиот тим.
Во составот на Веспрем во моментов има тројца поранешни членови на „црвено-црниот“ тим – Арпад Штербик, Дејан Манасков и Давид Дејвис, а на добар пат да заигра за унгарскиот состав е и Вуко Борозан.
МАРИЈА; ЌЕ НИ НЕДОСТИГАШ!
