Секако дека тоа е една од работите кои ни се најпотребни за нашиот опстанок, но луѓето трошат најмногу пари на храна, покажува најновото истражување спроведено на Универзитетот во Орегон.
Имено, она што е интересно е дека не само што семејствата трошат најмногу пари на храна, туку истата потоа ја фрлаат. Ќе се запрашате како е тоа можно, но внимателно разгледајте ја ситуацијата во вашата куќа па веруваме дека и вие ќе дојдете до истиот заклучок.
Ако готвевте ручек денес, останува малку, да речеме дека останала уште една чинија со храна, повеќето луѓе го фрлаат тој остаток. Скоро никој не остава храна за следниот ден, туку готви нов ручек следниот ден.
Штедењето на храната, а со тоа и на парите, продолжуваат со набавка на непотребни сосови, слатки, соленки, чаеви кои се натрупуваат во куќата и честопати се расипуваат и завршуваат во контејнер.
Ако сакате да заштедите, земете малку предвид како готвите, што купувате најчесто и колку пари трошите на храна.
Бидете искрени со себе: дали навистина ви треба друга тегла крем или најнов вид чај, без да го испиете она што сте го купиле минатиот месец?
