|
Чуварот на мрежата на турскиот суперлигаш Коњаспор, Серкан Киринтили, ја направи веројатно најглупавата голманска грешка во последните 10 години.
Киринтили тотално се посрамоти откако во 12. секунда од дуелот со Малатијаспор, ја фати топката со раце надвор од шеснаесетникот и заработи црвен картон. Можеби се уплаши од нашиот Адис Јаховиќ, кој лесно ќе поентираше ако Киринтили ја оставеше топката да го лобува. Како и да е, гостите славеа со 2-0, Јаховиќ не даде гол, но на неговиот клуб ептен добро му оди сезонава – петти се на табела со четири бода зад лидерот Аланијаспор.
