Ромелу Лукаку минатиот викенд беше херој на Интер на кого со двата гола му донесе пресврт и победа против Болоња.
Лукаку по 11 одиграни кола во Серија А моментално е на самиот врв на листата на стрелци со девет постигнати гола. Белгиецот летоска пристигна на позајмица од Манчестер Јунајтед и сите очекуваа да биде засилување, но имаше мал кризен период и сите сметаа дека ќе биде големо промашување, а тој ги демантираше.
26-годишниот напаѓач како да продиша откако го напушти „Олд Трафорд“,а тоа го покажа веќе на почетокот од сезонава. Навивачите на Јунајтед ја критикуваа управата на клубот што го пушти Лукаку, но се чини дека токму тоа му беше потребно на Лукаку да се врати во вистинската форма.
Лукаку од почетокот на Серија А постигна девет гола, а пред него е само Чиро Имобиле со 13. Неверојатно звучи дека Лукаку веќе сега постигнал повеќе голови за Интер, отколку што тоа го направи Манчестер Јунајтед сезонава.
Белгиецот има девет голови во Серија А, додека играчите на Манчестер Јунајтед имаат вкупно во досегашниот тек од Премиер лигата само шест погодоци!
