Фолк дивата Цеца Ражнатовиќ често истакнува колку е горда на фактот што нејзините родители секогаш ја поддржувале во текот на нејзината кариера и и биле ветер во грб.
Иако не се експонираат јавно, а по сопствен избор живеат затскриен живот далеку од очите на јавноста, Слободан и Мира се секогаш интересна тема.
Гордите родители на балканската дива, иако живеат далеку од главниот град, не пропуштија ниту еден важен настан во семејството.
Забележано е дека пејачката често ги споделува своите приватни моменти на социјалните мрежи, а одвреме навреме се појавува фотографија на која г-ѓа Мира плени со својата убавина, а многумина се запрашале како годините не оставаат трага на лицето на оваа дама.
Покрај големата сличност помеѓу мајката и ќерката, некои се и на мислење дека фолк дивата од неа ја наследила убавината.
Како што пренесува „Свет“, забележливо е дека мајката на пејачката со години изгледа исто, а во коментарите на „Инстаграм“ се наметна прашањето дали Цеца и платила за подмладување кога и во осмата деценија изгледа толку убаво и добро негувана.
Иако родителите на пејачката никогаш не сакале да зборуваат за медиумите, Цеца секогаш со задоволство зборува за нив и не крие дека од нив добила голема љубов и внимание и дека иако биле строги со неа и со нејзината сестра Лидија, таа нема поплаки.
