Ѓумбирот е светол корен со горчлив вкус кој содржи низа хранливи материи. Често се консумира и како чај во кој можете да додадете мед или лимон за подобар вкус.
Предностите на чајот од ѓумбир се бројни и тој се користи за ублажување и лекување на низа состојби, но треба да се земат предвид и некои мерки на претпазливост. Ѓумбирот има свои добри страни, но исто така постојат и нуспојави од неговото консумирање.
Ги намалува мачнините
Една од предностите на ѓумбирот е ублажување на мачнините. Само една шолја чај од ѓумбир може да спречи мачнини предизвикани од патување или утринска мачнина кај трудниците. Ако често патите од мачнини при патувањето, еден до два часа пред патувањето испијте шолја чај од овој корен.
Ја подобрува дигестијата
Чајот од ѓумбир е делотворен во подобрување на апсорбцијата на хранливите материи од храната. Исто така ја намалува надуеноста и гасовите, а кај некои луѓе се покажал и како одлична намирница во регулирање на апетитот.
Има антивоспалителни својства
Антивоспалителните својства на чајот од ѓумбир се веќе добро познати. Токму поради тоа е одличен во ублажување на болките во зглобовите и мускулите, а ѓумбирот може да се нанесува и површински, што се покажало делотворно кај лицата кои патат од артритис.
Ги ублажува респираторните проблеми
Ако патите од алергии, воспаление на синуси, грип или настинки, чајот од ѓумбир може да помогне во ублажување на тегобите на респираторниот систем.
Ги ублажува менструалните тегоби
Чајот од ѓумбир може да ги намали менструалните грчеви, а облозите од чај од ѓумбир можат да ја опуштат напнатоста на мускулите во пределот на абдоменот.
Го подобрува имунитетот
Чајот од ѓумбир содржи антиоксиданси кои помагаат во зајакнување на имунолошкиот систем. Некои истражувања покажале дека чајот од ѓумбир е корисен во превенција на различни видови на рак.
Го намалува нивото на стрес
Чајот од ѓумбир има смирувачки својства кои помагаат во намалување на нивото на стрес и напнатост. Тоа се должи на неговата специфична силна арома и лековитите својства.
