|
Српскиот претседател, Александар Вучиќ, на рускиот претседател, Владимир Путин, му подари шарпланинка по име Паша. Станува збор за тримесечен мажјак од оваа раса.
– Кучето е со сериозно педигре седум генерации наназад од нашата најстара афтохтона раса, а се знае дека претседателот Путин токму такви сака, наведува „Блиц“ од извори од Кабинетот.
Првпат претседател на Србија дава таков подарок.
Српскиот министер за надворешни, Ивица Дачиќ, секако, и овојпат не остана без песна. Тој специјално за Путин ги испеа руските Каљинка и Рјабинушка. Српските медиуми сѐ уште не дошле до снимка од пеењето на Дачиќ.
