Деновиве во делови од Словенија вистинска зима. Снегот кој падна предизвика проблеми во сообраќајот, па зимската опрема е задолжителна на одредени патишта во северозападниот дел од земјата. Снежни врнежи се забележани на подрачјето Крањска Гора, како и на Бохињ. Поради зимските услови затворени се неколку планински превои.
Невреме и во делови од Хрватска. Во Истра паднал град кој предизвикал материјална штета на насади.
Инаку, времето денеска кај нас ќе биде сончево со мала до умерена облачност, соопшти Управата за хидрометеоролошки работи.
Попладне и претежно во планинските делови ќе има услови за појава на краткотраен дожд. Минималната температура ќе достигне 10, а максималната 25 степени.
Во Скопје, сончево со мала облачност поголема во попладневните часови. Ќе дува слаб до умерен југозападен ветер.
Утре од претпладне ќе дува особено на запад засилен западен ветер и ќе има услови за краткотрајна нестабилност преследена со пороен дожд и грмежи.
Потоа ќе продолжи период на малку посвежо време со повремено зголемена облачност и краткотраен пороен дожд претежно попладне.
Преодно постабилно време се очекува во петок кога и температурите малку ќе се покачат.
