Обилните дождови денеска го погодија северозападниот дел на Босна и Херцеговина, а во Приедор и Босански Нови се излија локалните реки.
Во Приједор се поплавени околу 200 станбени објекти, а дојде и до пораст на нивото на водата и излевање на реката Пухарска, која се влева во Сана.
Поплави ширум Босна и Херцеговина синоќа ја оставија државата будна. Полицијата во општината Добри Југ нареди евакуација вио населбата Матузиќ, чии домови од реката Усор се поплавени.
На подрачјето на Нови Град се изли Уна, Сана, Јапа и Војскова, а поплавени се и неколку домаќинства, додека во Теслиќ е прогласена вонредна состојба.
Началникот на општината рекол дека е прекината целата комуникација со одреден број на населението во Теслиќ, с сообраќајот се одвива отежнато.
Видеото погледнете го ТУКА.
Ужасно невреме во Загреб: Повеќе од 700 интервенции
Градските служби во Загреб вчера имале повеќе од 700 интервенции, а пет лица се повредени поради силниот ветер кој дува од неделата.
Ветрот на подрачјето на Загреб речиси целиот ден уривал стебла, реклами, чадори за сонце, покриви и делови од фасади.
Улиците на главниот град на Хрватска се полни со искршени гранки, а имало проблем и во градскиот сообраќај.
Некаде се забележани и скршени семафори, а итните медицински служби и пожарникарите интервенирале во текот на целиот ден. Полицијата ги предупредила граѓаните да не излегуваат од своите домови доколку не е неопходно.
