Надзорите камери го снимија моментот кога гром погоди Американец додека ги шеташе своите кучиња во градот Спринг во американската сојузна држава Тексас.
Алекс Кореас ги шеташе своите три кучиња кога го погоди громот. Во моментот кога беше погоден веднаш падна како покосен на земјата, но среќа во несреќа беше тоа што сето ова се случи на 20-тина метри од локалната болница, па докторите веднаш истрчаа да му го спасат животот.
Иако докторите за неколку минути дотрчаа, Алекс веќе не дишел, облеката му била изгорена, а патиките и чорапите му одлетале од стапалата. За среќа, на крајот докторите успеале да му го спасат животот.
Од неговото семејство за тамошните медиуми откриле дека тој сега се опоравува во болницата и дека има големи болки, но прогнозата на докторите била добра и тој ќе се опоравел.
Инаку, неговите преплашени кучиња побегнале после ударот на громот, но полицијата подоцна ги пронашла во околната шума.
