|
Огнената топка сјаела на небото, а потоа се распрскала во вид на експлозија налик на огномет на островот Гвам.
Над сто луѓе биле сведоци на овој мистериозен настан во чија природа веднаш почнале да кружат теориите на завера.
Жителите на оваа американска територија која се наоѓа на западен Пацифик, жестоко дебатираат на интернет за тоа што всушност се случило на небото таа ноќ.
Некои сметаат дека тоа “очигледно е НЛО“ додека пак другите тврдат дека станува збор за метеор.
Имало и такви кои веднаш почнале да паничат, мислејќи дека станува збор за ракета од Северна Кореја која им ја ветиле на Американците како “мистериозен божиќен подарок“.
