Како да дознаете дали една жена е несигурна во себе врз основа на тоа како се облекува?
Ниту една жена не сака искрено да ја признае својата несигурност. Но сите жени, без исклучок, се нашле во такви ситуации во животот кога се чувствувале несигурно.
Или биле незадоволни од шминката или им пречела облеката што ја носеле… Постојат многу причини. Токму тоа што го носите може да ве издаде дека се сомневате во себе.
Како изгледа плакарот на несигурните жени?
1. Боја на облека
Несигурните жени сакаат да се скријат. Не сакаат да се истакнуваат на кој било начин во толпата. Па затоа, носат темни и сиви бои, додека во нивниот плакар не може да се најдат светли и блескави нијанси.
2. Преширока облека
Несигурните жени го потценуваат изгледот на своето тело. Неразумно се сметаат себеси за дебели, па затоа одбираат облека во вреќест стил.
3. Мајчински стил
Несигурните жени со години ќе го бараат својот стил додека не потклекнат на крајот и не почнат да се облекуваат како своите мајки. Тоа не е лошо, бидејќи модата се враќа, но со текот на времето мора да го надополните вашиот плакар и со некои помодерни парчиња облека.
4. Умереноста не постои во нивниот избор на гардероба
Или се облекува премногу впечатливо или се облекува премногу едноставно, не постои средина! Или премногу се шминка или целосно ја отфрла шминката. Во двата случаја се работи за несигурна жена.
Сомнежот се јавува кога не верувате доволно во себе. Време е да поработите на вашата самодоверба.
