Многу истражувања докажале дека сувото овошје се одликува со карактеристики кои можат позитивно да делуваат на луѓето.
Иако многумина повеќе преферираат свежо овошје и сувото си има свои предности. Богато е со хранливи материи и претставува исклучителен извор на енергија.
Висок крвен притисок
Сувите кајсии имаат три пати повеќе калиум за разлика од бананите. А содржат минимално количество на сол. Одлични се за зачувување на нормален крвен притисок – додека калиумот отпушта, натриумот ја задржува водата, па зголемениот внес на калиум го одржува волуменот на крвта на пониско ниво. Една студија покажала дека консумирањето на повеќе калиум отколку натриум е совршена заштита од висок крвен притисок.
Анемја
Четири суви смокви во себе содржат една четвртина од препорачаниот дневен додаток на железо – што е доволна количина за ублажување на анемија. За да го зголемите дејството, комбинирајте смокви со портокал, природен извор на витамин Ц кој помага во апсорпцијата на железо од растителни извори.
Запек
Само шест сушени сливи, два пати дневно подобро го ублажува запекот од било кој друг лаксатив, покажало едно истражување. Сливите се богати со сорбитол, еден вид на алкохолен шеќер кој природно ја задржува водата во столицата.
Замор
Урмите помагаат во отстранување на чувството на исцрпеност, бидејќи тогаш најчесто сме желни за некоја слатка закуска. Урмите се многу слатки и се одлична алтернатива за нездравите слатки по кои сме особено склони во такви услови, бидејќи имаат низок гликемичен индекс. Урмите полека се ослободуваат од своите шеќери што значи дека ќе го одржите нивото на енергија константно.
