Минатиот петок дечко бакнал на улица млада девојка од Ријека. Ништо необично за една петочка вечер. Но тој бакнеж оставил толку силен впечаток на девојката па она решила да го бара дечкото по секоја цена.
– Беше кратко, но незаборавно. Дечкото е со кафеава коса, а носеше црна кожна јакна, раскажа девојката.
Како што раскажува девојката она и три нејзини другарки се сретнале на плоштад во Ријека кога кај фонтаната им приидел млад дечко и ја бакнал девојката. Веќе во понеделникот изутрина таа јавно кажала дека сака момчето да и се јави, при што порталот РијечанИн ја одигра улогата на посредник.
– Ние четири излеговме во петокот на 8ми март да прошетаме, а малку и да се напиеме. Кај фонтаната на плоштадот Коблер другарка ми на шала ме испрска со вода и јас целата бев мокра. Во тој момент дојде еден дечко ми кажа дека сум многу убава и ме бакна. Но набрзо си замина а јас не стигнав ни да го прашам како се вика. Сега го барам, сакам да го запознаам бидејќи и он и неговиот потег многу ми се допаднаа – раскажа девојката за РијечанИн.
Мистериозниот заводник не чекаше долго за да се јави. Имено 19 годишното младо момче со иницијали П.Ј кого редакцијата го нарече Петар набрзо се јавил и кажал дека он ја бакнал девојката.
Еве како романтичниот краток состанок изгледа од негов агол:
– Бев излезен со другарите и бевме доста весели, знаете како оди тоа кога ќе се опуштиш за време на викендот. Здогледав една група на прекрасни девојки и приидов на најубавата и ја бакнав. Бевме секој со своето друштво и немавме време да поразговараме подолго. Но кога го видов нејзиниот повик денеска без многу размислување одлучив да и се јавам – раскажа „Петар“.
А заклучниот коментар за РијечанИн го даде и младата девојка:
– Среќна сум зошто го пронајдовме момчето кое беше заслужно за еден прекрасен и романтичен момент. Веќе се слушнавме и во најбрзо време се надевам дека ќе излеземе на кафе и ќе се запознаеме подобро. Јасно ми е дека овој наш необичен потег, потрага по дечко, многумина го протолкуваа и како шала, но мене навистина драго што преовладуваа позитивни коментари и дека секогаш треба да бидеш упорен во нешто што сакаш да го оствариш.
